化妝包的正面......
化妝包的背面.....
化妝包的裡面....
2014年9月25日 星期四
2014年9月14日 星期日
Simple Kimchi
最近唔知點解愛上食泡菜，於是去YouTube揾下點整。昨天買齊了所需的材料後，便開始動工。
起初我很單純地以為整泡菜所需的材料只是辣椒粉和大大個的旺菜，原來仲有好多其他材料的呢～
今次我買了兩個大旺菜，大約6磅左右。首先，將旺菜切絲（其實怎樣切是隨意的）
切好後，清洗一下，便要一層菜、一層鹽的將菜醃著。我今次大約6磅菜，便用了大約半杯鹽去醃。
要記住最面的一層菜也要灑上鹽喲！
接著每隔30分鐘便要將菜由底翻至面的將菜翻一次，全程共翻3次，目的是將所有的菜都可以平均醃好。
你們看，第二次翻菜的時候，本來是滿滿的一大盆菜，現在只剩下半盆了。
當等待翻菜的同時，便繼續着手去準備其他配料。
以下所有嘅配料都係隨個人喜好，可增多減少的。我今次用了一扎蔥（切粒）....
......半個蘿蔔（切條）.....
......一個紅蘿蔔（刨絲）.....
除了以上3樣材料，其實還可加京蔥和辣椒的，但因買不到京蔥，又因怕辣所以無加辣椒。
切好後，可先放一旁，因為要去準備醬汁。
醬汁方面需要的材料是，大約半杯蒜頭、半個洋蔥、少許薑片、半個韓國水梨、還有半杯韓國魚露.....
將以上材料放入攪拌機，攪大約兩分鐘左右，做好之後放在一旁.....
之後要煮個糯米粉漿，今次我用了2杯水加1/3杯糯米粉，用細火慢慢煮至杰身.....
煮大約5分鐘左右.....
然後加入1/8杯糖，煮溶後熄火，待涼......
粉漿涼後，加入蒜蓉醬汁攪勻....
攪勻後再加入粗粒辣椒粉，不愛辣的半杯粉、中辣的一杯粉、大辣的一杯半粉，我自己當然是半杯辣椒粉啦！
但給媽媽的是一杯辣椒粉.....
你們看得出那一碗醬較辣嗎？
現在醬汁煮好了，便可以將蘿蔔絲之類的材料混和，備用.....
現在是時候主角回歸了，話說每隔三十分鐘翻一次菜，翻了三次之後，便可用清水洗淨鹽水，我洗了三次，清洗完瀝乾之後只剩下很少菜呢～
最後便是將菜和泡菜醬混和，也是一層菜丶一層醬的，如此類推，跟著便用手翻勻（記得千萬一定要戴手套啊！）
終於完成了！像樣嗎？最後放入盒內儲存。
據說一星期之內食，會食到Kimchi的清甜味道。兩星期後食會變比較酸和比較軟。如果一個月的話便可以用來煮泡菜湯。
我是參考以下短片的：～
2014年8月24日 星期日
Shinnie 2014相約第三回合～～～可愛小廚娘菇菇包
炎熱的暑假，真的是會令人懶惰的！幸好還是趕得上交功課。十分感謝Shinnie老師無私的分享～
今次做了個行李牌，可以用來明天出發去旅行，超讚Y(^_^)Y
2014年5月27日 星期二
2014年3月25日 星期二
Shinnie 2014相約第一回合～～～我與可愛小狐狸提包
很開心今次能夠參加Shinnie老師2014的相約，第一個相約主題是「我與可愛小狐狸提包」，期待接著下來的第二個相約呢～
再一次謝謝老師的分享！
2014年3月18日 星期二
比利時窩夫
今年2月我去北海道時在富澤商店買了包珍珠糖，但回港後一下子便用晒了。正在埋怨自己當時為什麼不買多些之際，我老公的好同事剛剛又去北海道，她還主動Line我問要否幫我「走粉」呢？！嘩嘩嘩～ 連自己同事的老婆都照顧埋，咁好嘅同事去邊度揾呀？！所以，老公～ 你千祈唔好轉工呀！！！
「走粉」因為太重所以就唔洗喇！不過如果方便嘅就幫我買幾包珍珠糖吧^皿^
有了它，我又可以做我愛吃的比利時窩夫了！
首先，混合所有材料（牛油溶液和珍珠糖除外），好似搓麵包的方法搓勻，跟著續少加入牛油溶液再搓至光滑。第一次發酵後（大約1小時或至2倍大）
加入珍珠糖搓勻，平均分成十份，搓圓後再發酵（大約25～30分鐘或者至2倍大）
放在已預熱的窩夫機內，焗大約3分鐘左右便可出爐。
食得了^^
材料（10個）：
高筋麵粉 80g
低筋麵粉 80g
糖20g
海鹽 2g
即溶酵母 5g
蛋 1隻
暖牛奶 45ml
蜜糖 10g
牛油溶液 35g
珍珠糖 50g
2014年1月11日 星期六
2014年1月8日 星期三
芋頭糕
芋頭糕是我大仔的至愛，由其是煎香之後，更加美味，所以每年都會一定整給他吃的^_^
材料 ： -
芋頭 600g (1斤）切粒
臘腸 2條
臘肉 半條（因為我屋企唔食，所以無落，改加多一條臘腸）
乾瑤柱 適量
蝦米 適量
冬菇 4~6隻 （留起浸冬菇的水250ml）
粘米粉 160g
澄麵 1tbsp (因為芋頭是粉粉的，加了澄麵可令到糕身爽身一點）
水 1,000ml （其中浸冬菇的水250ml已包括在內）
調味料： -
雞粉 1tsp
鹽 1tsp
糖 1tsp
五香粉 3/4tsp
胡椒粉 1/2tsp
麻油 少許
做法 ： -
1）首先爆香D臘腸、蝦米、乾瑤柱、冬菇先，盛起備用。（我無落油呀，因為臘腸自己已經會出油喇！）
2）原鑊再落適量嘅油爆一爆d芋頭，今次我唔係將個芋頭全部切粒，而係大約一大碗份量嘅芋頭切條，其餘嘅先至切粒，點解咁？！因為我諗住食落有一條條芋頭條，＂好似＂好味D囉！
就係因為咁，所以要分兩次爆香D芋頭，首先爆香D芋頭條，盛起備用。
3）然後就再落適量嘅油，再爆香D芋頭粒。
4）爆香芋頭粒後，隨即倒埋之前已爆香嘅臘腸、冬菇、蝦米，再炒一陣。
5）加入250ml浸冬菇的水同埋所有調味料，點解唔係加清水？其實係可以用晒清水架，不過加＂冬菇水＂會香D囉~
6）待水滾後熄火蓋上鑊蓋焗15~30分鐘，好讓所有材料入味。
7）就喺呢個時候，將粘米粉和澄麵加入250ml清水攪勻。
8）焗完後，將芋頭料用大火煮滾，再加入餘下的500ml清水（我今次加了浸乾瑤柱、蝦乾的水），和之前盛起的一碗芋頭條（或芋頭粒），煮至大滾。
9）然後改細火，再加入已攪勻的粉漿，攪勻所有芋頭料至杰身。
10）跟住將芋頭料倒入已搽上油的盆內，蒸大約一小時。
11）初蒸起時糕身好軟架！所以至少要放涼5小時以上先可以切件呀！
訂閱：
文章 (Atom)