首爾Day 2（2/12/2013）
話明係無行程、好隨意，所以每天都瞓到自然醒，然後先周圍行睇下有乜好食。
呢日早餐就去左喺Skypark Central附近的Waffle Bant食。兩件Waffle+兩杯飲品，合共Won12900 (約HK$95)
食完早餐，老公知我尋晚買野唔夠人「搶」，又知我要幫朋友買野嘅任務未完成，所以就話比我去多一次樂天duty free（巧感動喲～）
除了買護膚品外，還買了這pack Tony Moly的唇膏送給朋友，好可愛呢～
結果不負眾望任務完成了，安樂晒^皿^ ！但係最唔開心的就係去完成任務期間跌左一條N年前在意大利買的頸巾，這頸巾是想當年Honeymoon時買的，很有紀念價值，好肉痛呀T0T~
化悲憤為食量！走左去明洞餃子食午餐⋯
這𥚃沒有太多的選擇，就好像香港的澳洲牛奶公司一樣，選擇唔多但食客卻很多。但餃子的的皮真的很薄，不錯！Won24000 (約HK$180)
食飽後行明洞，這𥚃到處都見到Nature Republic、Tony Moly、Innisfree.....其中在Nature Republic，如果你一次過買滿Won500000（約HK$3700），他們還有設有免費郵寄服務添，到時就唔洗驚行李超重啦！
我當然就⋯用唔到呢個咁好嘅服務啦！淨係喺一間舖頭就買Won500000？！想嚇死我老公咩？不過都有「少少地」幫襯下咁嘅^皿^，哈哈～
其實，這裡有間叫Banila Co的反而比較吸引我，因為有朋友介紹了這裡的Prime Primer妝前底霜，話很好用，無顏色的，用後皮膚滑滑的，就算是唔化妝都可以用，啱我！另外我還買了Clean it Zero、黑騎士mask、sleeping mask和CC唔知乜乜乜添～
行+買用左好多時間，又攰、又口喝，於是去左Smoothie King買左兩杯Smoothie返酒店歎，順便放低D戰利品（住得近明洞就是有這一點點的好處^^）
晚上再出發去東大門！今日主要行程是Shopping，你看我家老爺多慷慨呢～
行完、買完，又去食！今晚去了陳奶奶一隻雞。兩個人食完隻雞（包括配菜和年糕）、兩支可樂還有老公叫左碗飯Won25000(約HK$185)，都已經好飽了！
食飽再行多陣廣藏市場就回酒店休息，繼續明天的行程⋯
沒有留言:
張貼留言